Pakaammo ken pakdaar kadagiti amin a kakailian:
Ti PAGASA impaganetget na iti panagridam ken panagsagsagana tau amin iti isasangbay ti Super Typhoon “OMPONG” ket narway unay nga tudo ken napegges nga angin ti idalyasat na ditoy Luzon a pakairamanan iti ili tayo ken probinsiya. Ti Super Typhoon “OMPONG” ket agpegges ti angin manipud 190 kilometro kada oras agingga iti kapigsaan nga angin nga 220 kilometro kada oras (190kph-220kph). Maibilang daytoy super typhoon “OMPONG” a kapigsaan a bagyo a mangdidigra ti naduma-duma a lugar ditoy Luzon a pakairamanan iti ili ti Nueva Era ken probinsiya tayo nga Ilocos Norte.
DAGITI PAMMALAGIP:
1. Isagana dagiti taraon kas kuma ti bagas, de-lata, noodles ken dadduma pay. Kasta met nga isagana dagiti pang “emergency light” ta mabalin nga agawan ti serbisyo ti kuryente.
2. Siguraduen nga natalged ti pagtaengan ken gamit ket nu kasapulan, agturong ti EVACUATION CENTER karaman dagiti kapamilya ken nasisita nga kasapulan.
3. Kadaguiti kakailian nga agnaed iti arpad ti turod ken bantay, nataltalged nu agturong iti EVACUATION CENTER tapnu maiyadayo ti ania man nga panag landslide.
4. Siguraduen a natalged iti sibubukel a pamilya wenno kalugaran tayo.
5. Dagiti mabalin nga maani a pagay ken dadduma a produkto ket nasaysayaat a magapas wenno maburasen.
6. Dagiti dingwen ken taraken iparnged iti natalged nga lugar.
7. Masuspenso paylang ti klase ti ubbing (Elementary- Senior High School ) manipud September 13-15, 2018 ken daguiti sumrek ti naduma-duma nga pagtrabahuan malak sid kadagiti kameng ti Barangay, Municipal Disaster Risk Reduction Management Councils, Emergency Task Groups ken dadduma pay nga agserbi kadaytoy nga panagdidigra.
MABALIN NGA KONTAKEN DAGUITI SUMAGANAD:
PNP- 09985985035/09989672917
BFP-09056611787
ENGR. ROWELL ATENDIDO: 09176244524
MRS. PAZ ACOSTA: 09090924558
MR. RUFINO CORPUZ: 09301370534
Kasapulan ti PANAGKARARAG, PANAGRIDAM, PANAG ANNAD KEN PANAGTITINNULONG!
Manipud iti Municipal Disaster Risk Reduction Council